በአሏህ ስም እጅግ በጣም ርህሩህ እጅግ በጣም አዛኝ በሆነው።

=<({አል-ኢኽላስ 112:1-4})>=

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ

1. በል! እርሱ አላህ አንድ ነው።

2. አላህ (የሁሉ) መጠጊያ ነው።

3. አልወለደም፤ አልተወለደምም።

4. ለእርሱም አንድም ብጤ የለውም።

ህይወት ያለ ኢማን ትርጉም የላትም

ከሁሉም ጭንቀታምና ደስታ አልባዎች ማለት የኢማንን ጣዕም ያልቀመሱና የየቂንን (በአሏህ እርግጠኛ የመሆንን) ምንነት የማያውቁ ናቸው። እነዚህ ሁሌም ጭንቀት ፣ ንዴት ፣ ውርደትና ጥበት ውስጥ ናቸው።

-<({አል-ቁርአን 20:124})>-

«ከግሳፄም የዞረ ሰው ለርሱ ጠባብ ኑሮ አለው።»

የአለማቱ ጌታ በሆነው አሏህ ከማመን ውጭ ነፍስን የሚያስደስታት ፣ የሚያጠራት የሚያነፃት ፣ ጭንቀቷንና ጥበቷንም የሚያስወግድላት ነገር የለም። ካለም ኢማን ህይወትና ጣዕም ሊኖራት አይችልም።

የእምነት (ኢማን) አልባዎች ከችግር መላቀቂያና እራሳቸውን ከጭንቀት ፣ የነፋስ ፅልመትና ጉዳት ማረፊያ አይነተኛ ዘዴያቸው ካላመኑ እራሳቸውን ማጥፋት ነው። ኢማን የሌለባት ህይወት ጥፉ እና ክፉ ነች። የአሏህን የህይወት ጎዳና የሚቃረኑት የሚከተላቸው ዘላለማዊ እርግማን ምንኛ የከፋ ነው።

--<({አል-ቁርአን 6:110})>--

«በመጀመሪያም ጊዜ በርሱ እንዳላመኑ ሁሉ ልቦቻቸውን እና ዓይኖቻቸውን እናገላብጣለን ፤ በጥመታቸውም ውስጥ የሚዋልሉ ሲሆኑ እንተዋቸዋለን።»

አዕምሮ ከረጅም እልህ አስጨራሽና ለብዙ ዘመናት ከቆየ ጥናት በኋላ የደረሰበትን የጣኦት ከንቱነት ፣ የክህደትን እርጉምነት እና ውሸተኝነት እንዲሁም የመልእክተኞችን እውነተኝነት እና የአሏህን ሃቅነት ፣ ንግስናና ምስጋና የሱ እንደሆኑና በሁሉም ነገር ላይ ቻይ መሆኑን አይቶ ዓለም በሙሉ በአሏህ ብቸኛ አምላክነት የሚያምንበት ጊዜው አሁን ነው። ደስታህ ፣ ዕረፍትህና እርጋታህ በኢማንህ ጥንካሬና ድክመት ፤ ትኩሰነት እና ቅዝቃዜ ልክ ይሆናል።

--<({አል-ቁርአን 16:97})>--

«ለወንድ ወይም ሴት እርሱ አማኝ ሆኖ በጎን የሠራ መልካም ኑሮን በእርግጥ እናኖረዋለን ፤ ይሠሩትም ከነበሩት ነገር በመልካሙ ምንዳቸውን እንመነዳቸዋለን።»

ይህችም መልካም ኑሮ መገለጫዋ ለጌታቸው መልካም ቃል ኪዳን የነፍሶቻቸው መረጋጋት ፣ ፈጣሪያቸውን በመውደድ የልቦቻቸው መፅናት ፣ ከጥመት ጎዳና የውስጣቸው መጥራት ፣ በችግር ጊዜ ያላቸው ጥንካሬ ፣ የአሏህ ውሳኔ ሲፈጸም የልቦቻቸው አለመጨነቅና በውሳኔውም ደስተኛ ሆኖ መቀበል ናቸው። ምክኒያቱም እነሱ የአሏህን ጌትነት ፣ የኢስላምን ሃይማኖትነት እና የሙሐመድን ሰ.ዐ.ወ ነብይነት ወደው ተቀብለዋልና።